مکتوبات

ایڈیٹر صاحب سلام مسنون

اللہ پاک آپ کو جزائے خیر عطا فرمائے کہ آپ اس قدر معیاری اور معلومات سے پررسالہ شائع کررہے ہیں ۔ اس رسالے کے ذریعہ ہی میں نے اردو زبان سیکھا ہے ،اب ہماری حالت یہ ہوگئی ہے کہ ہرماہ اس کا بے تابی سے انتظار رہتا ہے ۔ اورجب ہمارے پاس مختلف شمارے اکٹھا ہوجاتے ہیں تو انہیں اپنے ملک انڈیا بھی لے جاتا ہوںتاکہ ان سے ہمارے گھر اور بستی کے افراد بھی استفادہ کرسکیں ۔

آپ کا اداریہ بہت خوب ہوتا ہے ،”آپ نے اپنے دین کے لیے کیا کیا“اس موضوع نے چندلمحوں کے لیے مجھے سوچنے پر مجبور کردیا کہ کیا واقعی ہم اپنے دین کے لیے کچھ کررہے ہیں….؟

میری دعا ہے کہ اللہ پاک مجھے بھی دین کا ایک خادم بنادے اور مصباح کو دن بہ دن ترقی عطا فرمائے ۔

                                                                انیس بیگ (کویت)

جناب ایڈیٹر صاحب

السلام علیکم ورحمة اللہ وبرکاتہ

مجلہ مصباح بہت ہی اچھا ہوتا ہے اورزیرنظر شمارہ بھی بہت خوب ہے ،مگر ایک گذارش ہم آپ سے کرنا چاہتے ہیں کہ مولانا ابوالکلام آزاد ،مولاناابوالاعلی مودودی صاحب اور ڈاکٹر اسراراحمد صاحب کی تحریریںبھی شائع کریں ۔ اس سے مجلہ کی رونق میں مزید اضافہ ہوگا ۔ امید ہے کہ آپ اس پر غور کریں گے ۔ دعا ہے کہ اللہ تعالی اس مجلے کو ترقی سے نوازے ۔ آمین

                                                                              خلیل محمدچکٹے (کویت)

                                                                               یوسف الغانم العارضیہ

محترم جناب صفات عالم صاحب مدنی مدیر ماہنامہ مصباح

السلام علیکم ورحمة اللہ وبرکاتہ

امسال کویت آکر ایک دیرینہ خواہش کی تکمیل ہوئی ، یہاں آنے سے قبل لجنة التعریف بالاسلام کے متعلق بہت ہی مختصر معلومات تھیں ،کویت آنے کے بعد IPC نیز ماہنامہ مصباح کا مکمل تعارف ہوا ،آپ اورآپ کے ساتھی دعوتی میدان میں جوکارہائے نمایاں انجام دے رہے ہیں اس کے لیے آپ تمام مسلمانوں اور عالم اسلام کی طرف سے مبارکبادی اورشکریہ کے مستحق ہیں۔

مصباح کے دعوتی ،اصلاحی اور معلوماتی مضامین بہت پسند آئے۔IPC کی طرف سے غیرمسلموں میں دعوت کا جو زبردست کام ہورہا ہے اور جس کی وجہ سے ہزاروںکی تعدادمیںلوگ دولت اسلام سے مالامال ہورہے ہیں ،پھر ان کی تعلیم وتربیت کا انتظام بڑا ہی دلکش ،قابل تقلید اور دوسروںکے لیے نمونہ ہے۔

آپ لوگ گویا ﴾ادع الی سبیل ربک بالحکمة والموعظة الحسنة﴿کی عملی تفسیر ہیں۔ میری دعائیں اور نیک تمنائیں ہمیشہ آپ کے ساتھ ہیں۔ اللہ آپ کا حامی وناصر ہو۔ آمین

                                                                                                            دعاگواوردعا جو

                                                                                                           اویس مدنی بھٹکلی

          ٭٭٭

1 Comment

  1. آپ اورآپ کے ساتھی دعوتی میدان میں جوکارہائے نمایاں انجام دے رہے ہیں اس کے لیے آپ تمام مسلمانوں اور عالم اسلام کی طرف سے مبارکبادی اورشکریہ کے مستحق ہیں۔

Leave a Reply

Your email address will not be published.


*